मोरङ । मोरङको पथरीशनिश्चरे नगरमा नेपाली काग्रेस पार्टीबाट प्रमुख १२ र उपप्रमुखमा ७ जनाले दाबी गरेका छन् ।
कांग्रेस पथरी शनिश्चरे नगर समितिले सोमबार उमेद्वारी सम्बन्धमा बैठक बोलएको हो थियो ।
पार्टी जिल्ला समितिले प्रमुख, उपप्रमुखमा बढीमा तीन, तीन जनाको नाम पठाउन भनेपछि भएको बैठकमा प्रमुख पदको लागि १२ र उपप्रमुखमा ७ जनाले दाबी नछाडेको नगर सचिव शन्तोष कटुवालले बताए ।
बैठकमा नगर प्रमुख पदका लागि गणेश कुमार खड्का (पार्टी क्षेत्रीय सभापति), रुप नारायण भट्टराई, पर्शुराम कार्की, नगेन्द्र सुब्बा, जयबहादुर तामाङ (६ नं. वडा अध्यक्ष), लोकनाथ खरेल,सागर राई (१० नं. वडा अध्यक्ष), माधब कोइराला, सोमबहादुर कटुवाल (सन्तोष, पार्टी नगर सचिव), अनुप योन्जन, चन्द्र केसि, मनु पुर्कुटीले दाबी गरेका छन् ।
त्यसैगरी उपप्रमुखमा प्रेमला राई, कबिता पराजुली, तुलसा याख्या, राधा संग्रौला, बिना राई, मिना सेन्चुरी र मन्जु कुमारी बस्नेत (कार्की)ले आकांक्षा राखेका हुन् । कसैले दाबी नछाडेपछि सबैको नाम जिल्ला समितिमा पठाइएको कांग्रेस नगर सचिव सन्तोस कटुवालले बताए ।
