मोरङ । पत्रकार बिजय खम्बू लगायत तीन जनालाई सम्मान, पुरस्कार वितरण तथा सांस्कृतिक कार्यक्रम गर्दै भूपू सैनिक अंग्रेजी स्कुलले शनिबार २७ औं वार्षिकोत्सव तथा अभिभावक दिवस मनाएको छ ।
वार्षिकोत्सवको अवसरमा विद्यालयले तिम्मा न्युजका सञ्चालक विजय खम्बूलाई सम्मान पत्र र नगदले सम्मानित गरिएको छ । खम्बूसँगै असल अभिभावकको रुपमा विष्णुकुमार राई र बखतेबहादुर राउतलाई प्रशशा पत्र र खदाले सम्मान गरेका थिए ।
पत्रकार विजय खम्बूलाई कलमको माध्यमबाट सामाजिक परिवर्तनमा योगदान पु¥याउदै आएकाले सम्मान गरिएको उल्लेख छ ।
सम्मानित व्यक्तिहरुलाई विद्यालय सञ्चालक समितिका अध्यक्ष धनबहादुर रानामगर, प्रिन्सिपल उपेन्द्र कडेल, नगर प्यब्सनका अध्यक्ष शन्तोष बस्नेत, पञ्चायत माविका प्रधानाध्यापक अर्जुन बुढाथोकीले सम्मानपत्र प्रदान गरेका थिए ।
कार्यक्रममा पथरीशनिश्चरे नगरका शिक्षा विभाग प्रमुख नवीन खुलाल, नगर प्याब्सनका अध्यक्ष शन्तोष बस्नेत, पञ्चायत माविका प्रधानाध्यापक अर्जुन बुढाथोकी लगायतका अथितिहरु उपस्थिति रहेका थिए ।
वार्षिकोत्सवको अवसरमा विद्यार्थीहरुले एकल तथा सामुहिक नृत्य, गीत तथा नाटक प्रस्तुत गरेर उपस्थिति दर्शकहरुलाई मनोरञ्जन दिएका थिए । कार्यक्रममा कक्षा नर्सरीदेखि १० सम्म प्रथम, दोस्रो र तेस्रो हुने विद्यार्थीहरुलाई पुरस्कार वितरण गरिएको थियो ।
