मोरङ । मोरङको पथरीशनिश्चरे १० स्थित ओम सियार जम्बुलिङ बज्र गुम्बामा नौ औ अवतारी लामा गुरु टुल्कु रिग्देन रिन्पोछेबाट प्रवचनको साथै ञ्युङ्ने व्रर्त, लामा नाच प्रदर्शन लगायत सप्ताह व्यापी कार्यक्रम हुने भएको छ ।
नेपाल तामाङ लामा गेदुनको आयोजनामा ओम सियार जम्बुलिङ बज्र गुम्बामा मंसिर २ गतेदेखि सप्ताह व्यापी कार्यक्रमहुने गुम्बा सञ्चालक समितिको सल्लाहकार चन्द्र तामाङले बताए ।
आयोजक समितिले आइतबार पत्रकार सम्मेलनको आयोजना गरी कार्यक्रमबारे जानकारी गराएको हो ।
मंसिर २ गते पथरीशनिश्चरे नगर प्रमुख मोहन तुम्बापोको प्रमुख आतिथ्यतामा उद्घाटन, बौद्ध मार्गीको अनुशासन .(शिल ग्रहणं), ४८ घण्टासम्म निराहार मौन ध्यान .व्रत (कुक्पां), लामा नृत्य, मानेको उद्घाटन र लामा गुरुबाट प्रवचनहुने भएको हो ।
सप्ताह व्यापी कार्यक्रममा बोद्ध धर्म गुरु ९ औंं अवतारी टुल्कु रिग्देन रिन्पोछे, टुल्कु साङ्गे दोर्जे योञ्जन, नेपाल तामाङ लामा गेदुनको संघीय अध्यक्ष पाल्देन योञ्जन लगायतका गुरुहरु आउने कार्यक्रम रहेको बताएका छन् ।
ञ्युङ्ने व्रत विना आहारा ४८ घण्टा मौन बस्नु पर्ने भएको कारण कठिन हुने गर्दछ । यो व्रर्तले पाप नष्ट, मानसिक समस्या समाधान हुने विस्वास गरिन्छ ।
लामाहरुले एक दिन लामा नाच प्रस्तुत गर्नेछन् । लामा नाचले मानिस अशान्तबाट मुक्त हुने, भूत विसाच भाग्ने विश्वास गरिन्छ । ञ्युङ्ने व्रत ३ सयभन्दा बढीले बस्ने तयारी रहेको आयोजक चन्द्र तामाङले बताए ।
यस्तो छ कार्यक्रम
