मोरङ । मोरङको पथरीशनिश्चरेमा निशुल्क ध्यान तथा योग अभ्यास सुरु भएको छ ।
शरीरलाई स्वास्थ्य, शारीरिक स्फुर्ति राख्न, मानसिक समस्या समाधान गर्न र बिभिन्न रोगको उपचार गर्न ध्यान तथा योग अभ्यास जरुरी छ । पथरी उद्योग वाणिज्य संघ पथरी र नर्वदेश्वर मन्दिर समितिको आयोजनामा निशुल्क उर्जाध्यान शिविर सुरु भएको हो ।
ध्यान तथा योग गराउदै आएको संस्था जीवन विज्ञान प्रदेश समितिको प्राविधिक सहयोगमा सोमबारबाट शिविर भइरहेको पथरी उद्योग वाणिज्य संघका अध्यक्ष दीपक बस्नेतले बताए ।
नर्वदेश्वर मन्दिरमा बिहान साढे ४ बजेदेखि ६ बजेसम्म दैनिक डेढ घण्टा निशुल्क ध्यान तथा योग अभ्यस भइरहेको अध्यक्ष बस्नेतले बताएका छन् । १० औ अन्तराष्ट्रिय योग दिवसको अवसरमा सुरु भएको शिविरमा दैनिक ८० बढी सहभागी रहेका छन् ।
सुख, शान्ति, समृद्धिको लागि गरिने योग तथा ध्यान विपना मिश्र र चन्द्र गुरागाईले गराउदै आएका छन् । बिभिन्न धुनहरु लगाएर शारीरिक अभ्यास, प्राणायम तथा मानसिक अभ्यास गराउदै आएका छन् ।
योग तथा ध्यान अध्यसले महिलाको पाठेघर, मधुमेह, व्लड प्रेसर, पिनास तथा मानसिक रोग लगायतको उपचार हुने बताइएको छ ।
