भूमिप्रसाद पाठक
मोरङ । मोरङको पथरीशनिश्चरे—१ स्थित पञ्चायत माध्यमिक विद्यालय कक्षा १२ का विद्यार्थीहरुलाई आज कार्यक्रमको वीच बिदाइ गरेको छ ।
अधययन पुरा गरेर बोर्ड परीक्षाहुनु अघि विद्यालयले विद्यार्थीहरुलाई बिदाइ गरेका हुन् । पञ्चायत माविमा विज्ञान, शिक्षा, कानुन, ललितकला, मानविकी, व्यवस्थापन, सिभिल इन्जिनरिङ, पत्रकारिता विषयमा अध्यापनहुँदै आउको छ । ’पास आउट’ हुन लागेका कक्षा १२ मा अध्ययन पुरा गरेका विद्यार्थीहरुलाई विदाइ गरेको हो । कार्यक्रममा बिभिन्न जातजातिका संस्कृति झल्किने नृत्यहरु प्रस्तुत भएको थियो ।
कार्यक्रम विद्यालयका प्रधानाध्यापक अर्जुनकुमार बुढाथोकीको अध्यक्षतामा भएको थियो । विद्यार्थीहरुलाई खादा र टिका लगाएर विदाइ गरिएको कार्यक्रममा विद्यालयका सहायक प्रधानाध्यापक बिना खालिङ राई, विज्ञान, कानुन तथा ललितकला विभागका प्रमुख राजु तिम्सिना लगायतले शुभकामना मन्तव्य दिएका थिए । यस अघि शिक्षा र मानविकी संकाय अध्ययनपुरा गरेका कक्षा १२ का विद्यार्थीहरले शिक्षकहरुसँग विदाइ कार्यक्रम गरेका थिए ।
विद्यालयका सहायक प्रधानाध्यापक बुद्धिनाथ अधिकारीले सञ्चालन गरेको कार्यक्रममा शिक्षक चन्द्रप्रकाश खनालले बिदाइ कविता वाचन गरेका थिए । कक्षा १२ को आन्तिम (बोर्ड) परीक्षा वैशाख १४ गतेदेखि सञ्चालनहुँदैछ ।
बिदाइ कार्यक्रमको तस्विरहरु
