मोरङ । मोरङको पथरीशनिश्चरे—१० मा आजदेखि ‘राइजिङ ब्रदर्स छैटौँ अन्तर्राष्ट्रिय आमन्त्रण रिफ्युजी च्यालेन्ज कप—२०२४ आज (बिहिबार)देखि सुरु भएको छ ।
आज भएको उद्घाटन खेलमा बिर्तामोड युनाइटेड एफसी झापालाई १—० गोल अन्तरले पराजित गर्दै बेलबारी एफसी मोरङ दोस्रो चरणमा प्रवेश गरेको छ ।
पहिलो हापमा बेलबारीका लागि विरेन लिम्बूले गरेको गोल नै बेलबारीका लागि निर्णायक बन्यो । उद्घाटन खेलको म्यान आफ द म्याच बिजेता बेलबारीका आदित्य तामाङ घोषित भए । भोलीको खेल रारा एफसी धनकुटा र कन्चनजंङ्गा एफसी भारतवीच प्रतिष्पर्धा हुने भएको छ ।
कार्यक्रमको उद्घाटन पथरीशनिश्चरे नगरपालिका प्रमुख मोहन तुम्बापो, उपप्रमुख देवीमाया काफ्ले, भुटानी शरणार्थी शिविर सचिव करण राई लगायतको उपस्थितिमा खेल उद्घाटन भएको हो । प्रतियोगितामा पूर्बी नेपाल र भारतको एक गरी १० वटा टिम सहभागी हुने बताइएको छ ।
प्रतियोगितामा विजेतालाई २ लाख र १ लाख रुपैयाँ नगद, ट्रफी, मेडल र प्रमाणपत्र प्रदान गरिने आयोजक संस्थाले जनाएको छ ।
