मोरङ । मोरङको पथरीशनिश्चरे–२ मा रहेको हरियाली सामुदायिक वन प्रा.लि.को आज प्रथम साधारणसभा समापन भएको छ ।
साधारण सभामा वन कम्पनीको अध्यक्ष अशोक साम्पाङ राईले प्रगति प्रतिवेदन, आर्थिक हिसाव तथा भावि योजना प्रस्तुत गरेका थिए ।
२०७७ सालमा स्थापना भएको कम्पनीमा ८६३ शेयार सदस्य रहेका छन् । पर्य पर्यटकीय क्षेत्र निर्माणधिन कम्पनीमा १ करोड ७२ लाख शेयर पुँजी रहेको प्रस्तुत आर्थिक प्रतिवेदनमा उल्लेख छ ।
कार्यक्रम हल निर्माण भइसकेको छ भने स्वीमिङ पुल निर्माण सम्पन्न हुन लागेको छ । पिकनिक स्पोर्ट, नेपालको आकारमा बोटिङ पोखरी, बाल उद्यन, क्यान्टिन लगायत निर्माणधिन रहेको छ ।
प्रस्तुत प्रगति प्रतिवेदनमा बैंक ब्याज आम्दानी २ लाख ६७ हजार ८८८ रूपैयाँ उल्लेख छ । प्रतिवेदनमा प्रशासनिक खर्च, भावी योजना तथा रणनीति उल्लेख छ ।
कार्यक्रममा प्रमुख अतिथि पथरीशनिश्चरे २ का वडाध्यक्ष नैना राई, बिशिष्ट अतिथि हरियाली सामुदायिक वन उपभोक्ता समूहका अध्यक्ष काबुलबहादुर मगर (विकास), कम्पनीका संस्थापक अध्यक्ष देवीप्रसाद भेटवाल लगायतले शुभकामना दिएका थिए । समूहका उपाध्यक्ष केशवप्रसाद दाहाल, वनका सचिव निर्मला चौहान लगायतको उपस्थिति रहेको थियो । त्यसैगरी समूहमा सह–सचिव सुमित्रा थाम्देन, कोषाध्यक्ष दिलबहादुर तामाङ, नगर शिक्षा समिति सदस्य भद्रमान विश्वकर्मा, पूर्व जनप्रतिनिधि काशिहाङ राई, अग्निप्रसाद गुरुङ लगायतको उपस्थिति रहेको थियो । कार्यक्रम कम्पनीका सदस्य गणेश बाछानाले संचालन गरेका थिए ।
