२०७४ फागुन २१ सोमबार
काठमाडाैं : नेपाली कांग्रेस संसदीय दलको नेता चयनका लागि अहिले १० बजे पछी निर्वाचन सुरु हुँदैछ।
आज बिहान १० बजेदेखस १ बजेसम्म हुने निर्वाचनमा कांग्रेस सभापति शेरबहादुर देउवा र पूर्वमहामन्त्री प्रकाशमान सिंह चुनावी मैदानमा छन्।
कांग्रेसका प्रवक्ता विश्वप्रकाश शर्माका अनुसार निर्वाचन १० बजेदेखि १ बजेसम्म हुनेछ भने मतदान सकिएलगत्तै मतगणना गरिने छ। निर्वाचन कांग्रेस संसदीय दलको कार्यालय सिंहदरबारमा जनाइएको छ।
कांग्रेसका प्रत्यक्ष निर्वाचित २३ र समानुपातिक ४० गरी ६३ सांसद रहेका छन्। कांग्रेसकाे तर्फबाट प्रतिनिधित्व गर्ने राष्ट्रियसभामा १३ सांसद छन्। राष्ट्रियसभा दलको नेता प्रतिनिधिसभाको संसदीय दलको नेताले नै तोक्ने कांग्रेस संसदीय दलको विधानमा उल्लेख छ।
