मोरङ । मोरङको पथरीशनिश्चरे नगरमा जारी ‘इन्ट्रा पथरीशनिश्चरे फुटबल प्रिमियर लिग’मा शखिर एफसी अंक तालिकामा शीर्ष स्थानमा पुगेको छ ।
मंगलबार भएकोे खेलमा शिखरले वाईएफसीलाई १–० गोल अन्तरले पराजित गर्दै अंक तालिकामा शीर्ष स्थानमा पुगेको हो । शिखरले वाईएफसीलाई जितेपछि ६ अंक जोड्दै अंक तालिकामा शीर्ष स्थानमा पुगेको हो ।
वाइसीएफलाई पहिलो हाफको अतिरिक्त समयमा शिखर एफसीका खेलाडी दिलकुमार लिम्बुले गोल गर्दै आफ्नो टिमलाई अग्रता दिलाएका थिए । यता वाइएफसीले भने दुई खेलमै अंकविहिन भएको छ ।
आजको खेलको म्याम अफ दि म्याच शिखर एफ.सी.का दावा तामाङ घोसित भए । तामाङलाई कार्यक्रमको प्रमुख अतिथि पथरीशनिश्चरे नगर उपप्रमुख यमुना बिष्ट वास्तोलाको हातबाट नगद सहित ट्रफी र मेडल प्रदान भएको थियो । भोलीको खेलमा देविगंज एफसी र न्युस्टार एफसीवीच हुने आयोजक समितिको उपाध्यक्ष बिक्की राईले बताए ।
