मोरङ । राष्ट्रिय एकता पार्टी नेपालले अमेरिकी मिलेनिअम च्यालेन्ज कर्पोरेशन (एमसीसी) संसदबाट पारित गरिए देश गृहयुद्धमा फस्ने र नेपालीहरु राष्ट्रिय मुक्ति युद्धको लागि तयार हुनुपर्ने जनाएको छ ।
बिहिबार राष्ट्रिय एकता पार्टी नेपालको केन्द्रीय अध्यक्ष लाजेसाले विज्ञप्ति प्रकाशन गर्दै एमसीसी संसदबाट जबरजस्ति पास गरे आफ्नो संगठन युद्धको नेतृत्व गर्न तयार रहेको जनाएको छ । देश गृहयुद्धमा पसेमा त्यसको जिम्मेवार एमसीसीको पक्षमा रहेका ‘दलाल नेता’हरु जिम्मेवार हुने चेतावनी दिइएको छ ।
एमसीसी साम्राज्यवादी, बिस्तारवादी र उपदेशवादी नीतिमा आधारित रहेको र नेपालको प्राकृतिक श्रोत साधनको माथि कब्जा गरि देशलाई खोक्रो बनाउने योजना अन्तर्गत ल्याइएको सो पार्टीको दाबी छ ।
राष्ट्रिय एकता पार्टी नेपालले विज्ञप्ति मार्फत एमसीसी विरुद्धको आन्दोलनमा दमन, धरपकटड र लाठिचार्ज भएको प्रति भ्रत्सना गरेको छ ।
