मोरङ । मोरङको पथरीशनिश्चरेमा नेकपा (एमाले)को आज भएको नगर अधिबेसनबाट रमेश दाहाल अध्यक्ष घोषित भएका छन ।
साँझ अबेरसम्म सर्बसहमतिको प्रयास भएपनि नभएपछि अध्यक्ष मण्डलले दाहालको नेतृत्वमा मुख्य पाँच पद घोषणा गरेको बुझिएको छ ।
पाँच पदमा ३० भन्दा बढी आकंक्षीले दाबेदारी नछाडेपछि अध्यक्ष मण्डलले नगर समितिको पदाधिकारी घोषणा गरेको हो ।
अध्यक्षमा रमेश दाहाल, उपाध्यक्षमा उमानाथ अधिकारी, सचिबमा भीम राई, सहसचिवमा रुक्मीणा बजगाई र एलबी भण्डारी घोषित भएको अध्यक्ष मण्डलका सदस्य अर्जुन बुढाथोकीले जानकारी दिए ।
दाहाल, अधिकारी र राई तीनै जना अध्यक्षमा दाबेदारी थियो । सहसचिव भण्डारी अधिबेशनको अधिल्लो दिन सोमबार मात्र जनता समाजवादी पार्टीबाट एमालेमा प्रबेश गरेका थिए ।
अध्यक्षको लागि बाबुराम लिम्बू, प्रकाश कार्की, ज्ञानेन्द्र अधिकारी लगायतको पनि दाबेदारी थियो ।
अधिवेशनको लागि पार्टीको प्रदेश सदस्य रामकुमार बस्नेतको अध्यक्षतामा युवराज बास्कोटा, देबराज भण्डारी, दिलिपकुमार राई र अर्जुनकुमार बुढाथोकी सदस्यरहेको समिति गठन भएको थियो ।
यो पटक सर्बसहमत नेतृत्व चयनको लागि पार्टी माथिल्लो कमिटिको आन्तरिक निर्देशन भएकोले नेताहरु मिलाउन लागि परेपनि नभएपछि अध्यक्ष मण्डलले नै नेतृत्व घोषणा गरिएको बुझिएको छ । नगरको पदाधिकारी घोषणा गरेपनि आकांक्षीहरुको असन्तुष्टि कायम रहेकोले सफत ग्रहणको मिति भने तत्काल नतोकिएको बुझिएको छ ।
एमालेको भर्खरै समापन गरेको बिभान सभाले स्थानीय तहमा अध्यक्ष, उपाध्यक्ष, सचिव र सहसचिव एक एक जनासहित गाँउ, नगरमा ७५ सदस्य रहने ब्यबस्था गरेको छ । विधान बमोजिम हरेक वडाबाट सदस्य आइसकेको समेत अध्यक्ष मण्डलको सदस्य अर्जुन बुढाथोकीले बताए ।
