अर्जुन जम्नेली राई
मोरङ । टाउको हड्डी टुक्राटुक्रा हुने गरी कुटपिटमा परेका मोरङको पथरी शनिश्चरे नगरपालिका–८ गुराँस चोकका ४९ बर्षिय खड्गबहादुर तामाङ तीन दिनदेखि अचेत अवस्थामा उपचार भइरहको छ ।
घट्ना शनिबार विहान करिव १ बजेको हो । खड्गबहादुर तामाङ गाउँमा छेवर खाएर साथीलाई पु¥याएर घर फर्केका थिए । घरबाट पुन साथीको घरमा जाने क्रममा स्थानीय गुराँस चौकमा तामाङ माथि कुटपिट भएको थियो । गाउँमा छेवर खाएर राति करिव ११ साथीकोहुँदै घर पुगेर पुन गाउँतिर निस्केका थिए ।
यसैक्रम अपरिचत मानिसहरुको कुटपिटमा परी गुँरास चौकमा घाइते आवस्थामा फेला परेका थिए । चिर्पट, बाँस लगायतको लाठी प्रहारबाट तामाङको टाउँकोको हड्डी फुटेको अवस्थामा शनिबार राति १ बजे फेला परेको इलाका प्रहरी कार्यालय पथरीका प्रमुख कृष्ण खड्काले बताए ।
तामाङको विराटनगर स्थित नोवेल अस्पतालमा उपचार भइरहेको छ । टाउँको अप्रेसन भएपनि सोमबार अपरान्हसम्म चेत नखुलेको विरामी हेर्न अस्पताल पुगेका प्रदेश १ का सांसद कुलप्रसाद लिम्बूले बताए । टाउँकोको हड्डी काम नलाग्ने गरी टुक्राटुक्रा भएको उपचारमा संलग्न स्वास्थ्यकर्मीलाई उधृत गर्दै लिम्बूले जानकारी दिए । अनुसन्धानको लागि इलाका प्रहरी कार्यालय पथरीले सात जनालाई अनुसन्धनको लागि नियन्त्रणमा लिएको बुझिएको छ । कुटपिटमा संलग्न व्यक्तिहरुको खोजी भइरहेको डीएसपी कृष्ण खड्काले बताए ।
