फागुन १८, काठमाडौं । नेत्रविक्रम चन्द विप्लव नेतृत्वको नेपाल कम्युनिष्ट पार्टीसँग वार्ता गर्नका लागि सरकारले दुई सदस्यीय वार्ता टोली गठन गरेको छ ।
गृहमन्त्री रामबहादुर थापा बादल र प्रधानमन्त्रीका परराष्ट्र सल्लाहकार राजन भट्टराई सम्मिलित वार्ता टोली गठन गरेको सरकारका प्रवक्ता सञ्चार तथा सूचना प्रविधिमन्त्री पार्वत गुरुङले जानकारी दिए ।
गुरुङले विज्ञप्ति जारी गरी विप्लव नेकपासँग वार्ताद्वारा समस्या समाधान गर्न २ सदस्यीय वार्ता टोली गठन गरेको बताएका छन् ।
विप्लव नेकपाले प्रतिबन्ध फुकुवा, जेल र हिरासतमा रहेका नेता कार्यकर्तालाइ बिनासर्त रिहा गर्नुपर्ने र अहिलेसम्म लगाइएका मुद्धा खारेज गर्नुपर्ने ३ वटा माग राखेका छन् । भने अहिलेसम्मको समीक्षा सभा,अन्तरिम सरकार गठन र बैज्ञानिक समाजबादको यात्रामा जानुपर्ने माग राखेको छ ।
सरकारले समिति बनाएसँगै विप्लव नेकपाले पनि वार्ता टोली बनाउने तयारी गरेको छ । नेकपामाथि २८ फागुन २०७५ देखि सरकारले प्रतिबन्ध लगाएको थियो ।
