राजनीतिकरुपमा विभाजित नेकपाको दुवै पक्षले आफू नै आधिकारिक रहेको दाबी गर्दै निर्वाचन आयोगमा दबाब तिब्ररुपमा बढाउँदै गईरहेको छ ।
‘प्रचण्ड’ र माधवकुमार नेपाल पक्षले आफ्नो पक्ष नै नेकपाको आधिकारिक रहेको दाबी गर्दै आइरहेको छ । यस अवस्थामा दुवै पक्षले आफुहरु नै नेकपाको आधिकारिक रहेको जिकिर गर्दै आयोगलाई दबाबगरेका हुन् ।
माघ २० गते आफ्नो पक्ष नै आधिकारिक रहेको जिकिर गर्दै नेकपाका प्रचण्ड, नेपाल र वरिष्ठ नेता झलनाथ खनालसहितको टोली आयोग पुगेको थियो । केन्द्रीय कमिटीको दुई तिहाइ बहुमत आफ्नो पक्षमा भएकाले आधिकारिक पार्टी आफुहरु नै भएको दाबि गर्दै आइरहेको छ ।
प्रधानमन्त्री केपी शर्मा ओली पनि मंगलबार आयोग पुगेर मनौवैज्ञानिक दबाब दिन शुरु गरेका हुन् । प्रधानमन्त्री ओलीले त पार्टी दुइटा पक्षमा विभाजित भएको कुरालाई अस्वीकार गर्दै २०७५ साल जेठ ३ गते एकीकृत भएको पार्टीको अध्यक्ष आफै रहेको दाबि गर्दै आफु संग रहेको पार्टि नै आधिकारिक बनाउन निर्वाचन आयोगलाई दबाब गरेको आयुक्तसँगको निकट श्रोतहरुले बताएका छन् ।
