दमक / नेपाल बिद्यार्थी संघ झापाले ताप्लेजुङ र पाँचथरका ३५ जना बिद्यार्थीहरुलाई बसको ब्यवस्था गरी घर पठाएको छ ।
शुक्रबार दमक बहुमुखि क्याम्पस ,कनकाई क्याम्पस ,देबि क्याम्पस बिर्तामोड र त्रिदेव क्याम्पस चारआलीमा अध्ययनरत उनिहरुलाई जिल्ला प्रशाशन कार्यलय झापा मार्फत पासको ब्यवस्था गरी घर पठाइएको नेबिसंघ झापाका कोषाध्यक्ष नवराज ढकालले जानकारी दिए ।
त्यसका लागी नेविसंघ झापाका सभापति राजेन्द्र उप्रतीले काग्रेस झापाका सभापति उदव थापालाई आग्रह गरेपछि थापाले प्रजिअ उदय राना मगरलाई आग्रह गरेपछि उनिहरुलाई घर फर्काउन सफल भएको हो ।
कोरोना भाईरस कोभिड १९ बाट बच्न सरकारले लकडाउन गरेपछि बिचल्लीमा परेका उनिहरुलाई शुक्रबार साँझ ७ बजे घर पठाइएको ढकालले बताए ।
गत चैत्र ११ गतेबाट सरकारले लकडाउन गरेपछि उनिहरु आफ्नो कोठामा बस्दै आएकोमा दैनिकी चलाउन अफ्ठयारो परी बिजोग भएर बसेका र उनीहरुको समस्यालाई बुझि नेबिसंघले घर पठाउने बतावरण तयार गरेको जिल्ला सदस्य अतित राईले बताए ।
