काठमाडौं । ललितपुरका एसएसपी रविन्द्र धानुकले झण्डै डेढ वर्ष ललितपुर बसेर नेपाल प्रहरीको अभियानलाई भन्दा आफ्नै धन्दालाई काइदा माने ।
गोदाबारीको ढुंगाखानी अवैध संचालन गर्न दिएर राम्रै फल खाएको खबर चर्किएरै गयो । त्यो बाहेक पनि उनको उठन्ती पुठन्ती राम्रै रहेको खबर अझै सेलाएको छैन् । अहिले पनि ललितपुरका कतिपय गुण्डाहरुसँग उनको हिमचिम राम्रैसँग रहेको बताइन्छ ।
एसएसपीले धानुकले मन्त्रीलाई टेर्दैन, सचिवलाई पनि टेर्दैन। आफ्नो खानदानी बानी भएको सम्म भन्न भ्याउने गरेको नजिककाहरुले भन्ने गरेका छन् ।
त्यसो त हिजोका दिनमा तत्कालिन प्रहरीका हाकिम पिताम्बर अधिकारी, ठूले राई र श्याम राई मिलेर ललितपुरको ढुंगा खानीबाट लुट्नु लुटेको इतिहास छ ।
अहिले विवादित छवीका उनै धानुकलाई हटाएर अर्का एसएसपी पठाउने तयारी भइरहेको छ । ललितपुरको जिम्मा लिन एसएसपी दिपक थापा, श्यामलाल ज्ञवाली, उमेशराज जोशी,किरण बज्राचार्य,सन्दीप भण्डारी,गृहसचिव प्रेमकुमार राई निकट एसएसपी टेकप्रसाद राई लगायतको रस्साकस्सी चलेको छ ।
प्रहरीको बजेटमा बसेर बेरुजु हटाउने अभियानमा लागेबापत थापालाई ललितपुर पठाउने चर्चा प्रहरी हेडक्वाटरमा चलिरहेको छ ।
त्यसो त एसएसपी टेकप्रसाद राईले एआईजी ठूले राई, गृहसचिव प्रेम राईको मात्र होइन, गृहमन्त्री रामबहादुर थापाको जातीय मोहको बारेमा समेत राम्रै प्रचार गरिरेका छन् ।
