बाहुण्डाँगी । मकवानपुरको हेटौँडामा सम्पन्न क्षेत्र ख को क्षेत्रीय सम्मेलनमा भएको अन्तर शाखा वक्तृत्वकला प्रतियोगितामा पर्वत जेसीजकी निरुता शर्मा प्रथम भएकी छिन् ।
शनिवार सम्पन्न प्रतियोगितामा पर्वत जेसीजबाट सहभागि बनेकी निरुता च्याम्पिन बनेकी हुन् ।
नेपाल जेसीजका राष्ट्रिय अध्यक्ष महेश पौडेलले ल्याउनु भएको राष्ट्रिय प्रकरण राइज टु लिड विषयमा उनले आफ्नो प्रस्तुती राखेकी थिइन् ।
प्रथम भएसँगै निरुताले रत्ननगरमा हुने नेपाल जेसीजको ४६ औँ महाधिवेशनमा सहभागि हुने अवसर पाएकी क्षेत्र ख का निरुपित कार्यकारीणी उपाध्यक्ष एवम् सम्मेलन सभापति रमेश चन्द्र भुषालले बताउनु भयो ।
कार्यकारीणी उपाध्यक्ष भुषालले वस्तीपुर जेसीजको आतिथ्यतामा भएको सम्मेलन उत्कृष्ट रुपमा सम्पन्न गर्न सहयोग गर्ने सबैलाई आभार तथा धन्यवाद व्यक्त गर्नु भयो ।
